قومی ایوارڈ یافتہ اداکار وکی کوشل اور مس انڈیا 2017 مانوشی چلر یش راج فلمز کی آئندہ فلم میں ایک ساتھ اداکاری کرتے ہوئے نظر آئیں گے۔ وکی اور مانوشی کی یہ فلم یش راج فلمز کی 50 ویں پروجیکٹ کا ایک اہم حصہ ہے، جس کی وجہ سے اس فلم کو لے کر متعدد بڑے اعلانات کیے جائیں گے۔
بڑے پردے پر نظر آنے والی وکی اور مانوشی کی یہ نئی جوڑی سرخیوں میں کافی نظر آرہی ہے۔ فلم کی کہانی اور کاسٹنگ کے علاوہ یش راج فلم نے ابھی تک اس فلم کے حوالے سے کوئی تفصیلات شیئر نہیں کی ہے۔ تاہم اطلاع کے مطابق وکی اور مانوشی کی اس فلم کا ٹائٹل 'دا گریٹ انڈین فیملی' یا ٹی جی آئی ایف' ہوگا۔اس فلم میں وکی پہلی بار کامیڈی کرتےہوئے نظر آئیں گے۔
جہاں وکی اداکاری کی دنیا میں شوہرت کی بلندیوں پر ہیں۔وہیں مانوشی نے بھی مس انڈیا 2017 کا تاج جیت کر پہلے ہی اپنی شناخت بنانے میں کامیاب ہوچکی ہیں۔
واضح رہے یہ سال وکی کے لیے مصروف ترین سال ثابت ہونا والا ہے۔وہ ایک سپر ہیرو فلم 'اممورٹل اشھوٹھھما میں نظر آنے والے ہیں۔ اس فلم کی ہدایتکاری آدتیہ دھر کریں گے، جنہوں نے اڑی کی بھی ہدایتکاری کی ہے۔توقع کی جارہی ہے کہ یہ فلم اس سال کے آخر میں ریلیز ہوگی۔ کوشل میگھنا گلزار کی ہدایتکاری میں بننے والی بائیوپک فلم فیلڈ مارشل سیم مانیکشاؤ میں بھی نظر آئیں گے۔
