بالی ووڈ اداکارہ تمنا بھاٹیہ نے اپنی آنے والی فلم ’’ببلی باؤنسر‘‘ کے پہلے شیڈول کی شوٹنگ مکمل کرلی ہے۔ First Schedule of Bubli Bouncer Completes
ببلی باؤنسر کے میکرس نے اس فلم کے سیٹ سے تمنا کی ایک تصویر سوشل میڈیا پر شیئر کرتے ہوئے یہ جانکاری دی ہے۔ اس تصویر میں فلم کے ہدایت کار مدھر بھنڈارکر بھی تمنا کے ساتھ نظر آ رہے ہیں۔ فوٹو کے کیپشن میں لکھا ہے، ’’ بچ کے رہنا بھائیو اور بہنو … آرہی ہے ببلی باؤنسر ! تمنا بھاٹیہ بیوٹی اپنی ڈیوٹی پر واپس آنے والی ہے۔ اب کسی کا دل ٹوٹے یا دانت؟ جواب صرف ہدایت کار مدھر بھنڈارکر کے پاس۔
بتایا جا رہا ہے کہ فلم 'ببلی باؤنسر' کی کہانی ایک خاتون باؤنسر کی زندگی پر مبنی ہے۔ جس میں تمنا 'ببلی باؤنسر' کے مرکزی کردار میں نظر آئیں گی۔ فلم میں تمنا کے علاوہ سوربھ شکلا، ابھیشیک بجاج اور ساحل وید بھی اہم کرداروں میں ہیں۔ فلم کو فاکس اسٹار اسٹوڈیوز اور جنگلی پکچرز نے مشترکہ طور پر پروڈیوس کیا ہے۔ اس فلم کو سال کے آخر تک تین زبانوں ہندی، تمل اور تیلگو میں ریلیز کیا جا سکتا ہے۔
وہیں تمنا بھاٹیہ نے بھی فلم کے پہلے شیڈول کی شوٹنگ مکمل کرنے کی خوشی پر کچھ ویڈیوز انسٹاگرام پر شیئر کی ہیں۔ یہ شوٹنگ کے آخری دن میں لیے گئے ویڈیوز ہیں۔ جس میں ہدایتکار مدھر بھنڈارکر سمیت فلم کی پوری ٹیم مزے کرتے ہوئے نظر آرہی ہے۔
یو این آئی
