کنگنا راناوت نے اپنے انسٹاگرام اکاؤنٹ پر ایک ویڈیو پوسٹ کی جس میں انہوں نے سشانت سنگھ راجپوت کی موت کو ایک پلان مرڈر(منصوبہ بند قتل) کہا ہے۔
کنگنا راناوت نے کہا کہ ' سشانت ایک مضبوط اور جانباز انسان تھا وہ کبھی بھی خودکشی جیسا قدم نہیں اٹھا سکتا، انہوں نے کہا کہ سشانت اپنے انجنیئرنگ کالج کے ایک ذہین طالب علم تھے وہ اتنے کمزور نہیں ہو سکتے۔
انہوں نے بالی وڈ میں کنبہ پروری کو بھیہ نشانہ بناتے ہوئے سشانت کو یاد کیا اور کہا کہ سشانت ہمیشہ کہتے تھے وہ انہیں کبھی بھی اس فلم انڈسٹری سے نکالا جا سکتا ہے۔
کنگنا نے کہا کہ ششانت نے اپنی پہلی بالی وڈ فلم میں شاندار کام کیا تھا جبکہ کیدارناتھ، ایم ایس دھونی اور چھچھورے وغیرہ فلموں میں بہترین کام کیا لیکن انہیں کبھی بھی ایوارڈ نہیں دیا گیا۔
اس کے علاوہ انہوں نے کہا کہ 'مجھے بھی بالی وڈ میں اکیلا پن محسوس ہوتا ہے اور میری سپر ہٹ فلموں کو بھی فلاپ قرار دیا جاتا ہے اور مجھ پر مختلف کیسز بھی درج کروائے گئے۔
