حیدرآباد کے انیل کو اس وقت کرسمس کا تحفہ ملا جب بالی ووڈ کے مشہور اداکار سونو سود نے اچانک اسکے ریسٹورنٹ پہنچ کر اسے سرپرائز دیا۔اداکار نے نہ صرف انیل سے ملاقات کی بلکہ کھانا بھی پکایا۔
سونو نے ایگ فرائیڈ رائس بھی بنایا اور اپنے پکائے پکوان کا ذائقہ بھی چکھا۔
انیل کی یہ چھوٹی سی کھانے کی دکان بیگم پٹ میں واقع ہے اور انیل نے اپنے دکان کا نام اداکار سونو سود کے نام پر رکھا ہے، جو اسے مزید خاص بناتی ہے۔
اداکار کو اچانک دیکھ کر مقامی لوگوں کی بھیڑ موقع پر جمع ہوگئی اور تمام لوگوں نے اداکار کے ساتھ خوب سیلفیاں بھی کھینچوائیں۔
سونو سوڈ نے ریسٹورنٹ میں موجود تمام صارفین کو انیل سے سیکھنے کو کہا اور روزگار کے مواقع اپنانے کی بھی تجاویز دیں۔ ادکار نے نہ صرف ریسٹورنٹ کا معائنہ کیا، بلکہ انیل سے کاروبار کی تفصیلات سے متعلق ضروری چیزیں بھی دریافت کی۔
انیل نے سونو سود سے متاثر ہوکر ایک ریسٹورنٹ کھولا۔
انیل نے کہا کہ' مجھے یہ دیکھ کر بہت خوشی ہوئی ہے کہ میرے پسندیدہ اداکار میرے ریسٹورنٹ میں آئے'۔
واضح رہے کہ اداکار ابھی اپنے آئندہ فلم کی شوٹنگ میں مصروف ہیں، جس میں چیرنجیوی اور جنوبی بھارت کے دیگر مشہور اداکار بھی اداکاری کر رہے ہیں۔
