بھارتی ٹیلی ویژن انڈسٹری کا مشہور ٹی وی شو 'بگ باس' ایک بار پھر چھوٹے پردے پر آرہا ہے، بگ باس کے 14ویں سیزن کی میزبانی ایک بار پھر سلمان خان ہی کریں گے۔
گذشتہ برس بگ باس کا 13واں سیزن سب سے زیادہ دھماکہ دار شو رہا۔ یہ شو نہ صرف ناظرین کو پسند آیا، بلکہ ٹی وی اور بالی ووڈ کے متعدد فنکار بھی بگ باس-13 کے دیوانے ہوگئے تھے۔
ایسا خیال ہے کہ ’بگ باس ۔14‘ اکتوبر سے شروع ہوسکتا ہے۔ سلمان نے اس سیزن کے لئے اپنی فیس میں اضافہ کردیا ہے اور اب وہ ہر ایپی سوڈ کے لئے 16 کروڑ روپے فیس لینے والے ہیں۔ انہوں نے بگ باس۔ 13 کے لئے تقریباً 12 سے 14 کروڑ روپئے فیس لی تھی۔
بگ باس ایک بھارتی ٹی وی ریئیلیٹی شو ہے، یہ شو کلرس ٹی وی چینل پر نشر کیا جاتا ہے، اب تک اس شو کے 13 سیزن مکمل ہو چکے ہیں۔
شو کے تیرہویں سیزن کے فاتح سدھارتھ شکلا رہے، سدھارتھ شکلا ٹی وی انڈسٹری میں ایک جانا پہچانا نام ہے، حالانکہ انہوں نے ابھی تک بالی وڈ میں کوئی بڑا پروجیکٹ نہیں کیا ہے۔ آپ کو بتا دیں کہ بگ باس شو کا پہلا سیزن سنہ 2006 میں ریلیز کیا گیا تھا۔
