راجکمار راؤ اور جہانوی کپور کی نئی فلم 'روحی' کا ٹریلر ریلیز ہوچکا ہے۔یہ مزاحیہ فلم تو ہے ہی ساتھ میں یہ لوگوں کو خوف کا احساس بھی دے گی۔
ٹریلر دیکھ کر پتہ چلتا ہے کہ فلم ایک ایسے روح کے ارد گرد گھومتی ہے، جسے گانے کا شوق ہے۔ یہ روح گانا گا کر دولہوں کو نیند کے آغوش میں ڈال دیتی ہے اور پھر ان کی دولہن کو اپنے قبضے میں لے لیتی ہے۔روحی کا کردار ادا کرنے والی جانہوی میں ایک ایسی روح ہے جو شادی کرنے کی خواہشمند ہے۔
واضح رہے کہ یہ پہلی فلم ہوگی جسے لاک ڈاؤن کے بعد پہلی بار سنیماگھروں میں ریلیز کیا جائے گا۔اس فلم کے ہدایتکار ہاردک مہتا ہیں،مرگدیپ سنگھ لامبا فلم کے مصنف ہیں۔ فلم کو میڈاک فلمز اور جیو اسٹوڈیوز نے پروڈیوس کیا ہے۔
واضح رہے کہ یہ تیسری بار ہے جب فلم کا نام بدلا گیا ہے۔پہلے فلم کا نام روح افزا رکھا گیا تھا، جسے بعد میں تبدیل کرکے روحی افزا کردیا گیا تھا۔
