اداکارہ پرینکا چوپڑا جونس اور گلوکار نک جونس نے آسام سیلاب سے متعلق مالی امداد کرنے کا فیصلہ کیا ہے اور لوگوں سے اپیل کی ہے کہ وہ بھی سیلاب سے متاثرہ افراد کی مدد کے لیے سامنے آئیں۔
آسام میں آئے سیلاب سے 100 لوگوں کی ہلاکتیں ہوگئی ہیں وہیں کم از کم 129 جانوروں نے اپنی جانیں گنوا دی ہے۔
داکارہ کے ساتھ گلوکارہ نے سوشل میڈیا پر چند تنظیموں کے نام شیئر کیے ہیں ، جو ریاست میں امداد اور بچاؤ کے کاموں میں شامل ہیں ، جن کو لوگ اپنا چندہ بھیج سکتے ہیں۔
مزید پڑھیں:بی ایس پی کا راجستھان ہائی کورٹ جانے کا اعلان
پرینکا نے ٹوئیٹ کرتے ہوئے لکھا کہ اگرچہ ہم سب اب بھی عالمی وبائی بیماری کے اثرات سے نمٹ رہے ہیں، وہیں بھارت کی ریاست آسام ایک اور بڑے بحران سے دوچار ہے۔ بھاری مانسون بارشوں سے آنے والے سیلاب نے لاکھوں افراد کی زندگی کو متاثر کیا ہے۔
پرینکا نے ایکشن ایڈ اور ریپڈ ریسپانس نامی دو تنظیموں کے نام شیئر کیا، جو زمینی سطح پر لوگوں کی مدد کےلیے کام کر رہے ہیں۔
نِک نے اپنے سوشل میڈیا اکاؤنٹس پر بھی یہی پیغام پوسٹ کیا ہے جس میں سیلاب سے نجات کے لئے کام کرنے والی دو تنظیموں ایکشن ایڈ اور ریپڈ رسپانس کی تفصیلات بھی شیئر کی گئی ہیں۔
اسٹیٹ ڈیزاسٹر مینجمنٹ اتھارٹی (ایس ڈی ایم اے) کے مطابق اتوار تک سیلابوں نے 96 افراد کی جانیں لے لیں۔ آسام حکومت کے مطابق ڈوبنے اور دیگر وجوہات کی وجہ سے بوکاخت کے کازی رنگا نیشنل پارک اور ٹائیگر ریزرو میں جانوروں کی مجموعی طور پر 129 ہلاکتیں ہوئیں۔
ایس ڈی ایم اے نے بتایا کہ ریاست میں 496 امدادی کیمپوں میں 50،136 افراد مقیم ہیں۔
آسام کے مختلف اضلاع میں رواں سال چوتھی بار سیلاب نے تباہی مچا دی ہے۔
