گزشتہ کئی ماہ سے بالی وڈ میں اصل زندگی پر مبنی فلموں کا جادو سر چڑھ کر بول رہا ہے، بیشتر فلمساز بایوپک فلم بنانے کی دوڑ میں نظر آ رہے ہیں اب اس فہرست میں ایک اور فلم شامل ہو گئی ہے۔
جی ہاں، آج ہم جے للیتا کے زںندگی پر مبنی فلم کے حوالہ سے بات کر ہے ہیں۔
معروف سیاست داں جے للیتا کی زندگی پر مبنی فلم کئی دنوں سے سرخیوں میں ہے۔ لیکن اب اس فلم سے منسلک بڑی خبر سامنے آئی ہے۔ اطلاعات کے مطابق، کنگنا رنوت بہت جلد جے للیتا کی اصل زندگی پر مبنی فلم میں اداکاری کرتی نظر آئیں گی۔
واضح رہے کہ سنہ 1991 سے لے کر سنہ 2016 تک تمل ناڈو کی وزیر اعلی کے عہدے پر فائز تھیں۔ انہوں نے دنیا کو سنہ 2016 میں الوداع کہا۔
فلم تجزیہ کار، ترن آدرش نے اپنے ٹویٹر پر اس خبر کو اشتراک کرتے ہوئے لکھا 'کنگنا رنوت نے جے للیتا کی زندگی پر مبنی فلم میں اداکاری کرنے کے لیے حامی بھر لی ہے۔ یہ فلم وجے کی ہدایت کاری میں بنائی جائے گی۔ اس فلم کا نام تھلائیوا رکھا گیا ہے۔ فلم کی کہانی وجیندر پرساد نے لکھی ہے۔
قابل ذکر ہے کہ کنگنا رنوت گزشتہ برس فلم منیكرنیكا: دی کوئین آف جھانسی میں رانی لکشمی بائی کا بااثر کردار ادا کرتی نظر آ ئی تھی۔
