اداکارہ کنگنا رناوت نے اتوار کے روز وزیر دفاع راجناتھ سنگھ سے اپنی آئندہ فلم تیجس کے حوالے سے ملاقات کی۔
کنگنا نے سوشل میڈیا کے ذریعہ یہ جانکاری دی۔ کنگنا نے اس بات کی جانکاری بھی دی کہ انہوں نے اپنی آئندہ فلم کی اسکرپٹ بھی بھارتی فضائیہ کے ساتھ سانجھا کی ہے تاکہ وہ اس فلم کے حوالے سے کچھ اجازت لے سکیں۔
کنگنا نے ٹویٹ کرتے ہوئے لکھا کہ 'آج تیجس کی ٹیم نے وزیر دفاع راجناتھ سنگھ سے ملاقات کی۔ ساتھ میں ہماری فلم تیجس کی ٹیم نے بھارتی فضائیہ کے ساتھ اسکرپٹ شیئر کی ہے تاکہ ہمیں اس کے حوالے سے کچھ اجازت دی جائیں، جئے ہند'۔
واضح رہے کہ گزشتہ ہفتہ بھارتی فضائیہ نے انل کپور کی آئندہ او ٹی ٹی فلم 'اے کے ورسس اے کے' کے حوالے سے کچھ اعتراض ظاہر کیے تھے جس کے بعد اداکار نے معافی مانگی تھی۔
وہیں کنگنا نے اپنی دوسری فلم 'تھلائیوی' کی شوٹنگ بھی مکمل کرلی ہے۔ کنگنا نے ٹویٹ کرتے ہوئے اس کی جانکاری دی تھی۔
