اداکارہ جھانوی کپور نے پنجاب میں اپنی آنے والی فلم گڈ لک جیری کی شوٹنگ شروع کردی ہے۔ اس فلم کی ہدایت کاری سدھارتھ سین گپتا انجام دے رہے ہیں۔
اس فلم میں جھانوی کے علاوہ دیپک ڈوبریال، میتا وشیشٹھ، نیرج سود اور سشانت سنگھ اپنی اداکاری کے جوہر دکھائیں گے۔
فلم کے پہلے شیڈول میں شوٹنگ مارچ ماہ تک جاری رہے گی۔ آنند ایل رائے کے ساتھ جھانوی کپور کی یہ پہلی فلم ہو گی۔ اس فلم کو کلر یلو پروڈیکشنس کی جانب سے پروڈیوز کیا جارہا ہے۔
جھانوی کپور آخری بار فلم 'گنجن سیکسینہ : دا کارگل گرل' مین دیکھی گئی تھی، جس میں انہوں نے بھارتی فضائیہ کی ایک پائلٹ کا رول ادا کیا تھا۔ وہیں تنقیدکاروں کی جانب سے ان کی اداکاری کے سلسلے میں کافی تنقید بھی ہوئی۔
یہ بھی پڑھیے
وراٹ کے یہاں نئے مہمان کی آمد
واضح رہے کہ فلم گڈ لک جیری کو سباس کرن اور رائے پروڈیوز کر رہے ہیں، یہ فلم کلر یلو پروڈیکشن اور ایل وائی سی اے کے بینر تلے تیار کی جارہی ہے۔
