اداکار سشانت سنگھ راجپوت کا رشتہ داروں اور قریبی دوستوں کے ایک چھوٹے سے اجتماع کے درمیان آخری رسومات ادا کرنے کے صرف ایک دن بعد ، اداکار فرحان اختر نے سشانت سنگھ راجپوت کو ایک نظم وقف کی، جو آنجہانی کی روح کو سلامتی کی خواہاں ہے۔
منگل کے روز 46 سالہ اداکار نے سماجی رابطے کی ویب سائٹز پر سشانت سنگھ راجپوت کو خراج عقیدت پیش کرتے ہوئے شاعری پیش کی ہے۔
عنوان کے ساتھ بھاگ ملکھا بھاگ فلم کے اداکار نے سشانت کے انتقال پر غم کا اظہار کیا ۔
واضح رہے کہ پیر کے روز سشانت سنگھ راجپوت کی آخری رسومات وائل پارلے کے پون ہنس میں ادا کی گئی۔ ملک میں جاری کورونا وائرس کے بحران کی وجہ سے پولیس نے ان کے اہل خانہ سمیت صرف 20 افراد کے اجتماع کو آخری رسومات میں شرکت کی اجازت دی۔
یاد رہے کہ ایڈیشنل کمشنر پولیس منوج شرما نے تصدیق کی تھی کہ 34 سالہ اداکار سشانت سنگھ راجپوت نے اتوار کے روز خود کو پھانسی لگا کر خودکشی کرلی۔
راجپوت کی بے وقت موت کی وجہ سے معروف شخصیات اور ان کے مداح صدمہ میں ہیں۔ ان کے انتقال پر ہر حلقے کے متعدد اداکاروں اور عوامی شخصیات نے تعزیت کا اظہار کیا۔
