دلیپ کمار کی صحتیابی پر سائرہ بانو کا اظہار مسرت

مشہور ومعروف اداکار دلیپ کمار کی صحتیابی کے بعد گزشتہ روز گھر واپسی پر ان کی اداکارہ اہلیہ سائرہ بانو نے اظہار مسرت کرتے ہوئے کہا کہ اللہ کا شکر ہے کہ دلیپ صاحب گھر واپس آگئے ہیں۔ سائرہ بانو کے لیے یہ وقت صبر آزما رہا ہے۔ لیکن انہوں نے ڈٹ کر اس کا مقابلہ کیا اور آج وہ کافی خوش ہیں۔

واضح رہے کہ پھپھڑوں کی سرجری اور پانی نکاسی کے بعد کل جمعہ کی صبح دلیپ کمار کو اسپتال سے چھٹی دے دی گئی تھی۔اس درمیان سائرہ بانو سائے کی طرح دلیپ کمار کے ساتھ ہی رہیں۔انہوں نے اداکار کے شیدائیوں کا ان کی فکرمندی اور دعاؤں کے لیے شکریہ بھی ادا کیا۔

دلیپ کمار 98 سال کے ہوچکے ہیں اور 6جون کو انہیں پھپھڑوں میں انفیکشن اور سانس لینے میں دشواری کے بعد اسپتال داخل کیاگیا تھا۔

سائرہ بانو نے کہاکہ اللہ کے بہت بہت شکرگزار ہیں اور "ہم یوسف صاحب کے چاہنے والوں کا جتنا بھی شکریہ ادا کریں کم ہے جنہوں نے ان کی صحت کے لیے دعائیں کی ہیں۔بہت ہی مشکل وقت تھا،لیکن ڈاکٹرس اور ان کے نجی عملے نے دلیپ صاحب کی تیمارداری کی ہے۔ہم سبھی شکرگزار ہیں۔"

انہوں نے مزید کہا کہ "این سی پی لیڈر شردپوار ،مدھر بندھارکر نے عیادت کی جبکہ ادکار دھرمیندر ،منوج باجپائی اور متعدد اداکاروں نے جلد صحتیابی کے لیے نیک خواہشات کا اظہار کیا ہے۔"

آپ کو بتادیں دلیپ کمار کو سپر اسٹار کیاجاتا ہے،جنہوں نے 1944میں فلم جواہر بھاٹا سے فلمی کرئیر شروع کیا اور نیادور،رام اور شیام ،مغل اعظم ،گنگا جمنا جیسی شہرہ آفاق فلموں کے ساتھ ساتھ تقریباً 65 فلموں میں اداکاری کے جوہر دکھائے ہیں۔

فلموں کے علاؤہ دلیپ کمار سماجی،تعلیمی اور ثقافتی میدانوں میں سرگرم رہے ہیں ،راجیہ سبھا کے ممبر بھی رہے۔

انہیں فلم فئیر کے سب سے زیادہ ایوارڈ حاصل ہوئے ہیں۔

یواین آئی