مشہور اداکار اور ہندی فلموں کے شہنشاہ دلیپ کمار کو آج یہاں شمال مغربی ممبئی کے کھارعلاقہ کے ہندوجا ان کوویڈ-19 اسپتال سے چھٹی مل گئی اور وہ باندرہ پالی ہل کی اپنی رہائش گاہ پہنچ گئے ہیں۔ ان کی اہلیہ اداکارہ سائرہ بانو نے پرستاروں کا شکریہ ادا کرتے ہوئے کہا کہ اداکار کے فین کی دعائیں کام آئیں اور پھپھڑوں سے پانی مکمل طور پر نکال دیا گیا ہے۔
واضح رہے کے پانچ دونوں پہلے سانس لینے میں دقت کے بعد دلیپ کمار کو پی ڈی۔ہندوجا اسپتال میں داخل کیا گیا تھا اور آج 12 بجکر 45 بجے اسپتال سے رخصتی مل گئی، انہیں ایک ایمبولنس کے ذریعے باندرہ لے جایا گیا۔اسپتال سے ایک اسٹریچر پر 98 سالہ دلیپ کمار کو باہر لایا گیا اور ان کے ساتھ ان کی اہلیہ سائرہ بانو تھیں، جن کے چہرے پر اطمینان نظر آرہا تھا۔
سائرہ بانو نے کہا 'دلیپ صاحب کے پھپھڑوں سے مکمل طورپر پانی نکال لیا گیا ہے اور ڈاکٹروں نے گھر میں ضروری دوائیں دینے کا مشورہ دیا ہے۔ یہ سب ان شیدائیوں اور قریشیوں کی دعاؤں کا اثر ہے'۔
دلیپ کمار اسپتال میں ڈاکٹر نتین گوکھلے اور ڈاکٹر جلیل پارکر کی نگرانی میں رہے۔ بدھ کو ان کی معمولی سرجری کی گئی اور پھپھڑوں سے پانی کی نکاسی کی گئی تھی۔ انہیں سانس لینے میں تکلیف کے بعد مسلسل آکسیجن دیا جارہا تھا۔
دلیپ کمار کے ٹوئیٹر پینڈل سے بھی اس کی معلومات دی گئی اور اسے پرستاروں کی دعاؤں کا نتیجہ قرار دیا گیا۔انہیں اتوار کو اسپتال میں داخل کیا گیا تھا۔
