ملک میں کورونا وائرس کی وجہ سے لاک ڈاؤن نافذ کیا گیا ہے جس کی وجہ سے کم آمدنی حاصل کرنے والوں کے لیے مشکلات کھڑی ہوگئی ہے۔
اداکار آیوشمان کھرانہ اور ان کی اہلیہ طاہرہ کشیپ دہلی کے غیر منفعتی تنظیم گل مہر کی مدد کر رہی ہیں۔ یہ تنظیم کچرا اٹھانے والی خواتین کی زندگی کو بہتر بنانے کا کام کرتی ہے۔
آیوشمان نے کہا کہ کورونا وائرس نے زندگی کے ہر طبقے کے لوگوں کو متاثر کیا ہے لیکن اس صورتحال میں سب سے زیادہ مشکلات کا سامنا انہیں کرنا پڑ رہا ہے جن کی آمدنی سب سے کم ہے اور اس ملک کا شہری ہونے کی حیثیت سے یہ ہمارا فرض ہے کہ ہم آگے آ کر ان ضرورت مندوں کی مدد کریں۔
انہوں نے مزید کہا کہ میں اور طاہرہ برسوں سے غیر منفعتی تنظیم گل مہر سے جڑے ہوئے ہیں اور ان خواتین کی مدد کے لیے ہر ممکن کوشش کر رہے ہیں جنہیں ابتر صورتحال کا سامنا کرنا پڑ رہا ہے۔
آرٹیکل 15 کے اداکار نے کہا کہ ان کچرے اٹھانے والی خواتین سے بات چیت سے ہی مجھے ملک میں موجود ذات پات کی تفریق کو سمجھنے میں مدد لی ہے۔
آرٹیکل 15 جیسی فلم کرنے کی ترغیب ہی مجھے ان سے بات چیت کرنے سے ملی ہے۔ اس طرح کا بحران ان لوگوں کو سب سے زیادہ متاثر کرتا ہے اور ہمیں ان کی حفاظت کرنے کی ضرورت ہے۔
35 سالہ اداکار نے کہا کہ اس مشکل وقت کے دوران میں اور طاہرہ اس بات کو یقینی بنانے کی پوری کوشش کر رہے ہیں انہیں تمام بنیادی سہولیات دستیاب ہو سکے۔
وہیں کھرانہ کی اہلیہ طاہرہ کشیپ نے کہا کہ موجودہ دور کے بحران کے دوران بھارتی جیسے ایک دوسرے کی مدد کر رہے ہیں، وہ قابل تعریف ہے۔ جہاں کچھ بھارتی کووڈ 19 سے متاثر ہیں، وہیں بہت سارے لوگ خاص طور سے معاشی طور سے متاثر ہو رہے ہیں۔ ہمیں کم آمدنی والوں، یومیہ اجرت حاصل کرنے والے بھائیوں اور بہنوں کی مدد کرنی چاہیے۔
انہوں نے مزید کہا کہ میں اور آیوشمان ان بے مثال خواتین کی مدد کرنے کے لیے ہر ممکن کوشش کررہےہیں جو کورونا وائرس سے پیدا ہونے والے اثرات سے ڈٹ کر مقابلہ کررہی ہیں۔ان کی معاشی عدم استحکامی کی وجہ سے ان کو سنگین خطرہ لاحق ہے کیونکہ ایک دن بھی کمائے بغیر وہ زندگی کی دوڑ سے باہر ہوسکت ہیں۔
