بالی وڈ کے معروف فلم ساز انوراگ کشیپ جو اپنی منفرد بہترین فلموں کے لیے جانے جاتے ہیں، انھوں نے گزشتہ دنوں ملک میں ہو رہی ماب لنچنگ کے خلاف دیگر شخصیات کے ساتھ وزیر اعظم نریندر مودی کو کھلا خط لکھا تھا، جس میں درخواست کی گئی تھی کہ شر پسند عناصر کے خلاف آپ سخت قدم اٹھائیں اور فیصلہ لیں۔
جس کے بعد 62 شخصیات نے اس خط کے خلاف مورچہ کھولا اور ان 49 شخصیات کو نشانہ بناتے ہوئے موقع پرست بتایا۔
مزید پڑھیں: ہجومی تشدد کے خلاف آواز اٹھانے والے بنگلہ اداکار کو بھی جان سے مارنے کی دھمکی
گزشتہ دنوں انوراگ کشیپ کو ٹیگ کرتے ہوئے کسی نے لکھا کہ 'اپنی شاٹ گن اور رائفل ابھی صاف کی ہے اور وہ ہدایت کار کے سامنے آنے کا انتظار کر رہا ہے'
انوراگ کشیپ کو اس کا جواب دینے میں دیر نہیں لگی، انھوں نے یہ دھمکی آمیز ٹوئٹ ممبئی پولیس کو شیئر کیا، اور ممبئی پولیس نے بھی انوراگ کو فوراً جواب دیا۔
ممبئی پولیس نے لکھا 'سائبر پولیس کو اکاؤنٹ کی تفصیلات بھیج دی گئی ہے، آپ سے درخواست ہے کہ لیگل ایکشن شروع کرنے کے لیے اپنے نزدیکی پولیس اسٹیشن میں رپورٹ درج کرائیں'
ہدایت کار نے ممبئی پولیس ، وزیر اعلیٰ فڑنویس، اور وزیر اعظم نریندر مودی کا شکریہ ادا کرتے ہوئے ریپلائی کیا۔
