بالی ووڈ اداکار انل کپور نے ویڈیو میکنگ ایپلی کیشن ٹک ٹاک پر ڈیبو کرلیا ہے۔ انل کپور سوشل میڈیا پر کافی سرگرم ہیں۔ انہوں نے ویڈیو میکنگ ایپلی کیشن ٹک ٹاک پر ڈیبو کیا ہے۔ ٹک ٹاک سب سے زیادہ استعمال ہونے والی موبائل ایپلی کیشن میں سے ایک ہے۔ یہ ایپلی کیشن شارٹ موبائل ویڈیوز بنانے کے لیے استعمال ہوتی ہے۔
انل کپور نے ٹک ٹاک پر اپنے ڈیبو کے بارے میں کہا 'میرا ٹک ٹاک پر آنا محض ایک اتفاق تھا۔ یہ ان چند تحائف میں سے ایک ہے جو 'ملنگ' نے مجھے دیے ہیں۔ یہ ایپلی کیشن تفریح اور تخلیقی صلاحیتوں کو یکجا کرنے کا موقع فراہم کرتی ہے اور میں اسے آزمانے کے لیے کافی پرجوش ہوں'۔
انل کپور جلد ہی فلم 'ملنگ' میں نظر آئیں گے جس کی ہدایتکاری موہت سوری نے کی ہے اور اس میں آدتیہ رائے کپور مرکزی کردار ادا کررہے ہیں۔
فلم میں دیشا پٹانی مرکزی ہیروئن کا کردار نبھا رہی ہیں جبکہ انل کپور ولن کے کردار میں ہیں۔
فلم ملنگ رواں برس سات فروری کو ریلیز ہوگی۔
