اسی سلسلے میں جمعرات کی دیر رات سپر اسٹار نے ٹوئیٹر پر اپنے اور کنبہ کے تیئں دعاؤں کے لئے اظہار تشکر کرتے ہوئے لکھا ’’مجھے ایس ایم ایس، واٹس ایپ، انسٹاگرام، بلاگ اور سوشل میڈیا کے ہر ممکنہ فورم سے آپ کی نیک تمنائیں، پیار اور دعائیں موصول ہوئی ہیں۔ مسٹر بچن نے مزید لکھا ’’میرے شکریہ کی کوئی حد نہیں ہے۔ اسپتال کے پروٹوکول پر عمل کرنا ہے، میں اس سے زیادہ کچھ نہیں کہہ سکتا، پیار‘‘۔
انہوں نے ایک ٹویٹ میں بھگوان کا ایک فوٹو شیئر کرتے ہوئے لکھا ہے ’’ایشور کے چرنوں میں سمرپت‘‘۔
امیتابھ نے جمعرات کو بھی ٹوئیٹر پر سنسکرت اور ہندی میں لکھا ’’ ’’ ایرشئی دھرنی توسنتوشٹ: کرودھنو نتیہ شڈکت:۔ پربھاگیوپجیوی چہ شڈیتے دکھ بھاگن‘‘۔ ’’سبھی سے حسد، نفرت کرنے والے، غیر مطمئن، تنک مزاج ، ہمیشہ مشکوک اور دوسروں پر منحصر رہنے والے یہ چھ قسم کے انسان ہمیشہ اداس رہتے ہیں۔ لہذا ان فطرتی لوگوں سے ہر ممکن حد تک گریز کرنا چاہئے ‘‘۔
اس صدی کے 77 سالہ سپراسٹار امیتابھ بچن اور ان کے بیٹے اداکار ابھیشیک بچن کورونا سے متاثر ہیں اور دونوں کو 11 جون کی رات ناناوتی اسپتال میں داخل کرایا گیا تھا۔ ان کی بہو اداکارہ ایشوریا رائے بچن اور پوتی ارادھیہ بچن بھی کورونا سے متاثر ہیں اور ان دونوں کا گھر پر ہی آئسولیشن میں علاج ہورہا ہے۔
