بالی ووڈ کی اداکارہ دیپیکا پادوکون نے وزیر اعظم نریندر مودی کی 'من کی بات' پر خوشی کا اظہار کیا ہے۔ گذشتہ روز وزیر اعظم نریندر مودی نے قوم سے اپنے من کی بات کی، اس دوران وزیر اعظم مودی نے خواتین کی طاقت کے بارے میں بھی ذکر کیا۔
اداکارہ نے ٹویٹر پر من کی بات کے کچھ 'ٹیکسٹ گرافکس' شیئر کرتے ہوئے لکھا 'مہاتما گاندھی کے اسباق کا حوالہ دیتے ہوئے 'خود میں وہ تبدیلیاں لائیے جو آپ دنیا میں دیکھنا چاہتے ہیں۔'
دیپیکا نے 'من کی بات' میں جن خواتین کا ذکر کیا گیا ان کی تعریف کی، ریڈیو پروگرام میں خواتین کی بڑھتی شراکت داری کی ستائش کی گئی تھی۔
ورک فرنٹ کے بارے میں بات کریں تو اداکارہ شکون بترا کی اگلی فلم میں نظر آئیں گی جس میں سدھانت چترودی اور اننیا پانڈے بھی ہیں، وہ اسپورٹس ڈرامہ 83 میں رنویر سنگھ کے ساتھ کپل دیو کی اہلیہ کا کردار ادا کرتی نظر آئیں گی۔
