حیدرآباد: ٹاٹا نیکسن ملک میں سب سے زیادہ فروخت ہونے والی SUV کار ہے۔ اس کی قیمت 7.80 لاکھ سے شروع ہوتی ہے۔ یہ اس کے بیس ویرینٹ کی ایکس شو روم قیمت ہے۔ اس کی آن روڈ قیمت تقریباً 8.75 لاکھ روپے (دہلی) ہے۔ یعنی، اگر آپ Tata Nexon SUV کا بیس ویرینٹ خریدتے ہیں، تو آپ کو کل 8.75 لاکھ روپے ادا کرنے ہوں گے۔ اب یہ ایک الگ بات ہے کہ ہر شخص کے پاس اتنی بڑی رقم نہیں ہوتی ہے، اسی لیے اکثر لوگ گاڑی خریدنے کے لیے قرض لیتے ہیں۔ تو آئیے ہم آپ کو لون سے متعلق ایک کیلکولیشن بتاتے ہیں۔
Nexon کے بیس ویرینٹ کی قیمت 7.80 لاکھ روپے ایکس شو روم ہے۔ عام طور پر، جو کار لون دستیاب ہے وہ صرف ایکس شو روم کی قیمت پر دستیاب ہے۔ ایکس شو روم قیمت کا 80% تک قرض آسانی سے مل جاتا ہے، قرض لینے والے کے پروفائل کے لحاظ سے یہ 100% تک بھی جا سکتا ہے۔ لیکن ہم مان کر چلتے ہیں کہ ایکس شو روم قیمت کے 80 فیصد لون ملتا ہے تو یہ تقریباً 6.24 لاکھ روپے ہوگا۔ یعنی آپ کو بقیہ رقم خود ڈیلرشپ کو ادا کرنی ہوگی، جو کہ ڈاؤن پیمنٹ کے طور پر ادا کیا جاسکتا ہے، یہ رقم تقریباً 2.51 لاکھ روپے ہوگی۔
مزید پڑھیں:
اب ایکسس بینک کار لون کیلکولیٹر کے مطابق، اگر 8 فیصد سود کی شرح پر 7 سال کے لیے 6.24 لاکھ روپے کا قرض لیا جائے تو EMI 9,726 روپے ہوگی۔ اس پر، صارف 1,92,967 روپے (7 سالوں کے دوران) کا کل سود ادا کرے گا۔ بینک تک پہنچنے والی رقم 8,16,967 روپے ہوگی۔
