سین فرانسسکو: ٹویٹر پر برطرفی کے درمیان، ایلون مسک اپنے نئے سی ای او کے عہدے پر سٹیو ڈیوس کو مقرر کر سکتے ہیں۔ سٹیو ڈیوس مسک کے ساتھ طویل عرصے سے کام کررہے ہیں اور اس وقت دی بورنگ کمپنی کے سی ای او کے عہدے پر فائز ہیں۔ بورنگ کمپنی مسک کی ایک انفراسٹرکچر اور ٹنلنگ سروسز کمپنی ہے۔
پلیٹ فارمر کے مطابق، ڈیوس نے گزشتہ سال مسک کی ٹرانزیشن ٹیم کے حصے کے طور پر ٹوئٹر جوائن کیا تھا۔ جس کے بعد مسک نے ڈیوس کو لاگت میں 500 ملین ڈالر کی کٹوتی کرنے کا کام سونپا، لیکن اس نے تقریباً 1 بلین ڈالر کی کٹوتی کی تھی۔ رپورٹ میں کہا گیا ہے کہ "لاگت کم کرنے میں اس کی کامیابی نے اندرونی طور پر قیاس آرائیوں کو ہوا دی ہے کہ مسک انہیں ٹویٹر کے اگلے سی ای او کے طور پر منتخب کرسکتے گی۔"
ڈیوس ٹویٹر پر مسک کے دائیں ہاتھ کے طور پر ابھر رہے ہیں۔ دوسری جانب ٹوئٹر پر ان دنوں برطرفی کا مرحلہ جاری ہے۔رپورٹ کے مطابق تازہ ترین برطرفیوں سے تقریبا 200 سے زائد ملازمین متاثر ہوئے ہیں جن میں ڈیوس کا کلیدی کردار تھا، پروڈکٹ مینیجرز، انجینئرز اور ڈیٹا سائنس میں بہت سے لوگ برطرفی کے نئے دور سے متاثر ہوئے ہیں۔
مزید پڑھیں:
کمپنی کے ہیڈ آف سیلز کرس ریڈی کو بھی کمپنی چھوڑنے کے لیے کہا گیا ہے۔ اس تازہ ترین چھٹنی کے ساتھ، ٹویٹر کے سی ای او نے کم از کم چار دوروں کی برطرفی کی ہے۔ 2018 میں الگ ہونے کے بعد بورنگ کمپنی کی شروعات SpaceX کے ذیلی ادارے کے طور پر کی گئی تھی۔
آئی اے این ایس
