قیدی کی موت کے بعد احتجاج

جیل میں قیدی کی پر اسرار موت کے بعد مقامی باشندوں نے پرُتشدد مظاہرہ کر تے ہوئے سیالدہ حسن آ باد سیکشن کی ناکہ بندی کردی۔ باراسات اسٹیشن میں توڑ پھوڑ بھی کی گئی۔

مظاہرے کے سبب دوگھنٹوں تک سیالدہ حسن آباد کے درمیان ٹرین سروس ٹھپ رہی جس سے مسافروں کو بڑی دشواروں کا سامنا کرنا پڑا۔
بی جے آر نے جا ئے وقوع پر پہنچ کر حالات کا قابو میں کرنے کے لیے مظاہرین پر لاٹھی چارج کیا جس میں نصف درجن افراد زخمی ہو گئے۔
جی آر پی کے مطابق مظاہرین کو پہلے سمجھا کر ریلوے لائن سے ہٹانے کی کوشش کی گئی۔ لیکن پتھراؤ کرنے لگے ۔ مشتعل ہجوم کو قابو کر نے کے لیے لاٹھی چارج کرنا پڑا۔زخمیوں کو باراسات محکمہ اسپتال میں داخل کرایا گیا۔
پولیس کاکہناکہ گوتم منڈل(29 )نامی ایک قیدی کی موت کے بعد اس کے رشتہ داروں نے باشندوں کے ساتھ مل کرپہلے باراسات اسٹیشن میں توڑ پھوڑ کی اور پھر ریلوے لائن پر دھرنے پر بیٹھ گئے۔
پولیس کے مطابق چند افراد کے خلاف سرکاری املاک کو نقصان پہنچانے کے الزام میں گرفتار کرلیا گیا ہے۔