رواں ماہ ایس ٹی ایف کی چھاپہ ماری کے دوران اب تک کی یہ سب سے بڑی کامیابی بتائی جا رہی ہے۔
کولکاتا پولیس کی اسپیشل ٹاسک فورسز کی ٹیم نے واٹ گنج کے گارڈن ریچ علاقے میں خصوصی چھاپہ ماری مہم کے دوران 20 کروڑ روپے کی منشیات سمیت دو افراد کو گرفتار کر لیا ہے۔
ایس ٹی ایف نے پریس کانفرنس کے دوران کہا کہ خفیہ اطلاع ملنے پر گارڈن ریچ علاقے میں چھاپہ ماری کی۔
انہوں نے بتایا کہ تلاشی کے دوران ٹاٹا 407 کی تلاشی لی گئی۔
مزید پڑھیں:سڑک حادثے میں تین افراد ہلاک
گاڑی میں دوسرے سامان کے اندر منشیات چھا کر رکھی گئی تھی
ایس ٹی ایف کے مطابق تلاشی کے دوران کثیر مقدار میں ہیروین برآمد کی گئی، بازار میں اس کی قیمت تقریباً 20 کروڑ روپے بتائی جارہی ہے۔
اس معاملے معین الدین شیخ اور سومناتھ سنترا نامی دو افراد کو گرفتار کیا گیا ہے۔
سومناتھ پیشے سے ڈرائیور بتائے جا رہے ہیں۔
گرفتار افراد سے پوچھ گچھ جاری ہے، اس کے علاوہ ایس ٹی ایف کی جانب سے مزید کارروائی کی جا رہی ہے۔
