اب پولیس کی عجیب وغریب صورتحال سے دوچار ہے کیونکہ یہ معاملہ اس کے لئے عام نوعیت کے چوری کے معاملات سے بالکل ہٹ کر ہے۔تفصیلات کے مطابق تلنگانہ کے ضلع وقار آباد کی راجیو گروہا کلپا کالونی کے رہنے والے پربھو نامی شخص نے پولیس سے شکایت کی کہ اس کے چار گدھے چوری ہوگئے ہیں۔
وہ گدھوں کا دودھ فروخت کرتے ہوئے اپنی زندگی بسر کرتا تھا۔پہلے اس نے یہ سمجھا کہ مہاراشٹر سے تعلق رکھنے والے افراد نے اس کے گدھوں کی چوری کی ہے کیونکہ قبل ازیں ایسے چوری کے کئی واقعات پیش آچکے ہیں.
تاہم بعد ازاں اس کو پتہ چلا کہ لنگم پلی علاقہ کے رہنے والے ستیا نامی شخص کے پاس اس کے گدھے ہیں۔
پولیس نے ستیا کے پاس سے مسروقہ گدھوں میں سے ایک گدھے کو برآمد کرتے ہوئے پولیس اسٹیشن لایا۔اس کے بعد ستیا پولیس اسٹیشن پہنچا اور کہاکہ یہ گدھا اس کا ہے اور وہ بھی گدھے کا دودھ فروخت کرتے ہوئے اپنی زندگی بسر کرتا ہے۔
دونوں پربھو اور ستیا کی گدھے کی ملکیت پر بحث وتکرار ہوگئی جس کے بعد پولیس یہ سمجھنے سے قاصر رہی کہ درحقیقت گدھے کس کی ملکیت ہیں۔
لنگم پلی سے برآمد گدھا ہنوز پولیس اسٹیشن میں ہی ہے۔پولیس نے کہا کہ اس سلسلہ میں کوئی بھی معاملہ درج نہیں کیا گیا ہے کیونکہ دونوں افراد قابل قبول طریقہ سے اس معاملہ کو حل کرنے کی کوشش کررہے ہیں۔
