ٹک ٹاک کا اسٹار پولیس حراست میں

گریٹر نوئیڈا میں ٹک ٹاک پر ویڈیو بنانے والے ایک شخص کو بیٹا دو پولیس نے دھوکہ دہی کے الزام میں گرفتار کیا ہے۔

گریٹر نوئیڈا میں ایک شخص کو گرفتار کیا گیا ہے۔ ملزم کا نام شاہ رخ خان بتایا جا رہا ہے۔

ملزم ٹک ٹاک پر ویڈیو بناتا رہا ہے اور وہ ٹک ٹاک پر کافی مشہور ہے۔

تفصیلات کے مطابق شاہ رخ کے اس وقت 40 ہزار فالورز ہیں۔

ایس پی دیہات رنوجے سنگھ نے بتایا کہ 'بیٹا دو تھانہ انچارج سوجیت اپادھیائے کی ٹیم نے ایک گروہ کا انکشاف کیا ہے۔'

پولیس ٹیم نے ساٹھہ اسلام آباد، ضلع بلندشہر کے شا ہ رخ خان، آصف فیضان اور بہار کے مونگیر کے ساکن مکیش کو گرفتار کیا ہے۔

ملزمان کے قبضہ سے پانچ موبائل، موٹرسائیکلیں اور ساڑھے تین ہزار روپے نقدی برآمد کی گئی ہے۔

پولیس کا کہنا ہے کہ شاہ رخ ڈکیتی گروہ کا سرغنہ ہے۔ وہ دوسرے لڑکوں سے واردات کراتا تھا اور کبھی کبھی خودبھی ان میں شریک ہوتا تھا۔

شاہ رخ سعودی عرب میں بطور ڈرائیور خدمات انجام دے چکے ہیں۔ سعودی عرب میں دوران قیام ہی انھیں ٹک ٹاک کا شوق پیدا ہوا تھا۔

پولیس کے مطابق شاہ رخ گذشتہ چھ مہینوں سے لوٹ مار کی واردات کو انجام دینے گریٹر نوئیڈا میں رہا۔

تفتیش کے دوران پتہ چلا ہے کہ چاروں ملزمان بیسرکھ،سائٹ فائیو، بیٹا ٹو، سورج پور اور نالج پارک تھانہ علاقہ میںاندھیرے میں راہگیروں سے موبائل اور نقدی لوٹ لیا کرتے تھے۔

مقامی افراد کے مطابق شرپسند گذشتہ چھ ماہ سے اس واقعے کو انجام دے رہے تھے۔