ریاست اترپردیش کے ضلع بہرائچ کے روپیڈیہا تھانہ کی پولیس نے دو نیپالی اور ایک بھارتی شخص کے پاس سے تقریباً تین لاکھ پچاس ہزار روپے لاگت کی چھ موٹرسائیکل برآمد کی ہے۔
پولیس کے مطابق مخبر نے اطلاع دی تھی کہ تین شخص نیپال سے موٹر سائیکل چوری کرکے بھارت میں فروخت کرنے کے مقصد سے آرہے ہیں۔
اسی اطلاع کے مطابق پولیس نے ان چوروں کو دو موٹرسائیکل پر سوار آتے گرفتار کر لیا، جن میں جے رام اور سہیل یہ دونوں نیپال کے رہنے والے ہیں اور انکا ایک ساتھی جمال ابن خورشید ساکن نانپارہ بہرائچ کا رہنے والا ہے۔
پولیس نے حراست میں لینے کے بعد تفتیش کی جس کے بعد ملزمان کی نشاندہی پر چار مزید موٹر سائیکل برآمد کی گئی اور بتایا کہ گاڑیاں چوری کرنے کے بعد ان کا رجسٹریشن نمبر اور نمبر پلیٹوں کو تبدیل کرکے فروخت کرنے کا ارادہ تھا۔
برآمد شدہ موٹر سائیکلوں کے نمبرات UP32JP8892 ،UP32LA1931 ،UP40S6709 ،UP43E3453 ،BH1P6823 ،BH7P8687
ملزمیں کے خلاف روپیڈیہا تھانہ میں مقدمہ درج کرکے عدالتی تحویل میں بھیج دیا گیا ہے۔
