آٹو نگر میں سڑک حادثہ

شہرحیدرآباد کے آٹو نگر میں پیش آئے سڑک حادثہ میں ایک شخص ہلاک اور دوسرا زخمی ہوگیا۔

شہر حیدرآباد کے آٹو نگر میں پیش آئے سڑک حادثہ آج صبح کی اولین ساعتوں میں ونستھلی پورم پولیس اسٹیشن کے حدود میں اُس وقت پیش آیا جب ٹہری ہوئی ریت کی لاری کو پیچھے سے تیز رفتار کار نے ٹکر دے دی۔

مقامی افراد نے بتایا کہ وجئے واڑہ سے ایل بی نگر جانے والی کار کے ڈرائیور نے اس کاتوازن کھودیا جس کے نتیجہ میں یہ حادثہ پیش آیا۔

حادثہ اتنا شدید تھا کہ کار کو شدید نقصان پہنچا اور اس میں سوار ایک شخص ہلاک ہوگیا جبکہ دوسرا زخمی ہوگیا۔

اطلاع ملتے ہی پولیس وہاں پہنچی جس نے زخمی کو اسپتال منتقل کردیا۔

اس سلسلہ میں ایک معاملہ درج کرکے جانچ شروع کردی گئی۔