پولیس ذرائع نے بدھ کو یہاں بتایاکہ آرجے ڈی لیڈر کیلاش یادو اور مکھیا نمائندہ اندر لال ورما مورٹر سائیکل سے منگل دیر رات واپس گاﺅں لوٹ رہے تھے تبھی موتی لیدا گاﺅں کے نزدیک قبل سے گھات لگائے بدمعاشوں نے ان پر حملہ کر دیا ۔ حملے میں دونوں شدید طور سے زخمی ہوگئے ۔
واقعہ کی اطلاع ملنے کے بعد موقع پر پہنچی پولیس جب زخمیوں کو اسپتال لے جارہی تھی تبھی بیچ راستے میں آرجے ڈی لیڈر کی موت ہوگئی ۔
ذرائع نے بتایاکہ مکھیا نمائندہ کو مقامی اسپتال میں داخل کرایا گیا جہاں سے انہیں بہتر علاج کیلئے دھنباد بھیجا گیا ہے ۔ اس سلسلے میں متعلقہ تھانے میں ایک ایف آئی آر درج کرلی گئی ہے ۔ معاملے کی تفتیش کی جارہی ہے ۔
