انچارج جیل سپرنٹنڈنٹ راج کمار نے منگل کو یہاں بتایا کہ اتوار کی رات پھر ایک قیدی کے فرار ہونے کے بعد سکیورٹی وجوہات سے ڈسٹرکٹ مجسٹریت دنیش کمار سنگھ کے حکم پر پنچہٹیا واقع عارضی جیل کو بند کردیا گیا ہے۔
انہوں نے بتایا کہ عارضی جیل میں بند 166قیدیوں میں سے 11کو قانونی عمل پورا ہونے کے بعد انہیں رہا کردیا گیا ہے۔
جب کہ بقیہ 155 کو ضلع جیل منتقل کردیا گیا ہے۔
انہوں نے بتایا کہ ضلع جیل میں قید کل قیدیوں کی تعداد 1374 ہوگئی ہے جب کہ یہاں قیدیوں کے رہنے کی اہلیت صرف 320کی ہے۔
ایسے میں کورونا سے قیدیوں کو بچانے کا سخت چیلنج ہوگا۔
اس کے لئے اور پختہ انتظام کرنے ہوں گے۔
انہوں نے کہا کہ عارضی جیل بند کر کے وہاں کے قیدیوں کو ضلع جیل میں منتقل کردیا گیا ہے۔
ایسے میں کورونا انفیکشن کو دیکھتے ہوئے ضلع جیل میں بچاؤکے مکمل انتظام کئے جارہے ہیں۔
مزید پڑھیں:'میری موت کا کوئی ذمہ دار نہیں ہے'
قیدیوں کو یوگا کرانے کے ساتھ ہی پینے کے لئے کاڑھا دیا جارہا ہے۔
روزانہ پورے احاطے کو سینٹائز بھی کرایا جارہا ہے۔
