کلیان میں پتری پل کو بند کر اس کی تعمیراتی کام کی وجہ سے سڑکیں خستہ حال ہوگئیں ہیں۔
اس علاقے میں برابر سڑک حادثات پیش آتے رہتے ہیں۔
اس شاہراہ پر ہونے والے سڑک حادثہ میں ایک مالبردار ٹرک کی زد میں آنے سے ایک موٹر سائیکل سوار کی جائے حادثہ پر ہی موت ہوگئی جب کہ ایک شدید طور سے زخمی ہوگئے جنہیں علاج کے لیے قریبی ہسپتال میں داخل کرایا گیا۔
واضح ہوکہ کلیان شہر کے برطانوی دور کے 104 برس پرانے پتری پل کے انتظامیہ نے بند کرکے اس کی جگہ پر دوسرے پل کا شروع کیا جس کی وجہ سے شہر میں مسلسل ٹریفک جام لگا رہتا ہے۔
اسی جام کے سبب کلیان شہر کی طرف جانے والے ایک مالبردار ٹرک نے دو موٹر سائیکل کو ٹکر مار دیا۔
اس حادثہ میں ارون مہاجن نامی شخص کی جائے حادثہ پر موت ہوگئی ولاس ریلیکر نامی شخص شدید طور سے زخمی ہوگیا جسے مقامی ہسپتال میں منتقل کیا گیا ہے۔
کلیان پتری پل بند ہونے اور گڈھوں کے سبب صبح سے شام تک اس شاہراہ پر ٹریفک کا ازدہام ہوتا ہے اور آئے دن اس طرح کے جان لیوا حادثات ہوتے رہتے ہیں۔
