موبائیل چوری کرنے والا شاطر چور گرفتار

ریاست اتر پردیش کے مرادآباد تھانہ سول لائن میں اے ایس پی کلدیپ کمار نے ایک شاطر موبائل چور کی گرفتاری کا خلاصہ کیا ہے۔

مرادآباد کے محلہ چکر کی َملَک کے رہنے والے محمد یحییٰ ولد محمد عارف نامی ایک ملزم کو تقریبا آدھا درجن موبائیل چوری کرنے کے الزام میں گرفتار کرکے جیل بھیج دیا گیا ہے۔

گرفتار کیے گئے ملزم کے پاس سے چھ اینڈرائیڈ موبائل فون جن کی قیمت تقریبا 80 ہزار تا ایک لاکھ روپئے تک بتائی جارہی ہے، برآمد کیے گئے ہیں۔

ملزم کے بارے میں بتایا گیا کہ یہ چوری کے موبائلوں کو یہ کہہ کر لوگوں کو فروخت کیا کرتا تھا کہ اس نے یہ موبائل کہیں سے خریدے ہیں، برآمد کیے گئے موبائیل میں سیم سنگ، نوکیا اور اوپپو جیسی نامور کمپنیوں کے موبائل شامل ہیں۔