باپ کے سامنے بیٹی کے ساتھ اجتماعی جنسی زیادتی کے کیس میں آج ضلع عدالت نے تمام قصوروارں کو عمر قید کی سزا سنائی ہے۔
عدالت سے نکلتے ہی متاثرہ نے کہا کہ 'عدالت سے ہمیں انصاف ملا ہے۔'
واضح رہے کہ آج سے ٹھیک سات مہینے قبل رات میں سات لوگوں نے غریب باپ کو یرغمال بنا کر ان کی بیٹی کے ساتھ اجتماعی جنسی زیادی کی تھی۔
متاثرہ کو انصاف دلانے کے لیے قانونی لڑائی لڑنے والے دلنواز احمد نے پولیس کپتان کمار آشش کا شکریہ ادا کیا۔ ساتھ ہی رکن اسمبلی ماسٹر مجاہد عالم، رکن پارلیمان ڈاکٹر جاوید اور عوام کا بھی شکریہ ادا کیا جس نے شروع سے آخر تک متاثرہ کو انصاف دلانے کے لیے ہر طرح کی مدد کی۔
وہیں رکن اسمبلی ماسٹر مجاہد عالم نے متاثرہ کے حوصلے اور جذبے کو سلام کیا۔
انہوں نے کہا کہ 'اس فیصلے سے ملزمین کو سبق ملے گا۔ عدالت کا فیصلہ قابل ستائش ہے۔ آئندہ کوئی بھی منچلا کسی لڑکی کو چھیڑنے یا اس کے ساتھ نازیبا حرکت کرنے سے پہلے کئی بار سوچے گا'۔
