خاتون کی پٹائی پر ہریانہ پولیس کو نوٹس

قومی انسانی حقوق کمیشن نے فریدآباد کے ایک پولیس اسٹیشن میں پولیس اہلکارکے ذریعہ ایک خاتون کی بیلٹ سے پٹائی کرنے کے معاملہ میں خودسے نوٹس لیتے ہوئے ریاست کے ڈائریکٹر جنرل آف پولیس کو نوٹس جاری کیا ہے۔

کمیشن نے میڈیا رپورٹ کی بنیاد پر معاملہ کا نوٹس لیا ہے جس میں کہا گیا ہے کہ پولیس نے خاتون کی اس کے ساتھ پارک میں دیکھے گئے شخص کے بارے میں نہیں بتانے پر پٹائی کی گئی۔ یہ واقعہ اکتوبر 2018کا ہے لیکن اس کا ویڈیو کچھ دن پہلے ہی سوشل میڈیا پروائرل ہوا تھا۔

علامتی تصویر

کمیشن نے ریاست کے ڈائرکٹر جنرل آف پولیس سے چھ ہفتے میں معاملہ کے بارے میں معلومات دینے کے لیے کہا ہے۔ کمیشن نے کہا کہ اگر اس بارے میں میڈیا میں آئی رپورٹ صحیح ہے تو یہ حیران کرنے والی اور انسانی حقوق کی صریح خلاف ورزی ہے۔میڈیا رپورٹ کے مطابق اس معاملہ میں ملزم پولیس اہلکاروں کے خلاف معاملہ درج کیا گیا ہے۔ دو پولیس اہلکاروں کو گرفتار بھی کیا گیا ہے اور ایک دیگر کی تلاش ہے۔فرید آباد کے پولیس کمشنر نے معاملہ کا نوٹس لینے کے بعد کہاکہ ان پولیس اہلکاروں نے قانون کی خلاف ورزی کی ہے۔