ریاست اتر پردیش کے ضلع گوتم بدھ نگر و نوئیڈا کے چھ نامزد شرپسندوں پر گینگسٹر ایکٹ لگایا گیا۔ بے راہ روی کے شکار نوجوان مالی آسودگی اور دیگر ضروریات کی تکمیل کے لئے ڈکیتی جیسے سنگین جرم کا ارتکاب کرکے رقم حاصل کرتے ہیں۔ جس کو لے کر انتظامیہ سخت قدم اٹھانے جارہی ہے۔
ضلع مجسٹریٹ بی این سنگھ نے سینیئر پولیس سپرنٹنڈنٹ کی رپورٹ پر، راج کمارولد رام پرساد، راجو عرف بہادر ولد نارائن بہادر ’سندیپ ولد وید پركاش، پون ولد چندرپال، کرن ولد راکیش، پر گینگسٹر ایکٹ لگایا ہے۔
ضلع مجسٹریٹ نے اس سلسلے میں بتایا کہ ضلع میں مجرمانہ عناصر کے خلاف مسلسل سخت سے سخت کارروائی کرنے کے لئے ضلع انتظامیہ پابند عہد ہے۔
لہذا مستقبل میں یہ کاروائی جاری وساری رہے گی اور مافیا و مجرمانہ عناصر پر غنڈہ ایکٹ اور گینگسٹرایکٹ اور ضلع بدر کرنے کی کاروائی کرنے کے ساتھ دیگر سخت کارروائی بھی کی جائے گی۔
