اندور: چلتی بس میں آتشزدگی

ریاست مدھیہ پردیش کے صنعتی شہر اندور سے ممبئی جا رہی ایک بس میں آگ لگنے سے افرا تفری پیدا ہوگئی۔

یہ بس مسافروں سے بھری ہوئی تھی، ابتداً بس سے دھواں آنا شروع ہوا، اس کے بعد اس کے پچھلے حصہ میں دھماکہ ہو گیا۔

خبر لکھے جانے تک کسی جانی نقصان کی اطلاع نہیں ہے۔

بس کے ڈرائیور کی بہتر کارکردگی کی بناپر مسافروں کی جان بچ گئی۔ ڈرائیور نے فوراً بس کو روک کر سبھی مسافروں کو بحفاظت نکال لیا گیا۔

فائر بریگیڈ کی مدد سے اگرچہ بس کی آگ پر قابو پا لیا گیا، تاہم بس کا ایک حصہ جل چکا تھا۔

بس میں آتشزدگی کی رپورٹ دھام نود پولیس اسٹیشن میں درج کرائی گئی ہے، ابھی تک آتشزدگی کی وجوہات کا پتہ نہیں چل سکا ہے۔ پولیس معاملے پر کارروائی کر رہی ہے۔