اجمیر: جواہر لال نہرو میڈیکل کالج کے ملزم کو گرفتار کرنے کا مطالبہ

ریاست راجستھان کے شہر اجمیر میں واقع جواہر لال نہرو میڈیکل کالج میں گذشتہ دنوں ایک مریض کے اہل خانہ کی جانب سے توڑ پھوڑ کی گئی تھی۔

اس سلسلے میں جواہر لال نہرو میڈیکل کالج کے ایمرجنسی وارڈ کے سامنے ریذیڈنٹ ڈاکٹرز ایسوسی ایشن کی جانب سے احتجاج کیا گیا۔

ڈاکٹرز نے کہا کہ گذشتہ 27 اکتوبر 2020 کو ایمرجنسی میڈیکل یونٹ میں حملہ کرنے والوں کے خلاف سخت کارروائی کی جائے۔

خیال رہے کہ ملزم پربھاس بھٹناگر کی طرف خواتین ڈاکٹرز اور ہسپتال کے دیگر عملہ کے ساتھ بدسلوکی اور مارپیٹ کی گئی تھی۔

اس معاملے میں ملزم کی گرفتاری کے لئے پولیس انتظامیہ پر دباؤ بنایا جانا بے حد ضروری ہے۔

ڈاکٹرز کا کہنا ہے کہ پولیس کو ایک ہفتے کا وقت دیا گیا تھا ، لیکن ابھی تک کوئی گرفتاری عمل میں نہیں آئی ہے۔