اطلاعات کے مطابق ایک نوجوان اپنی معشوقہ سے ملنے اس کے گھر گیا تھا جہاں معشوقہ کے اہل خانہ نے عاشق کو پکڑ کر گھر کے اندر کوٹھری میں چار پائی سے باندھ آگ کے حوالے کردیا۔
عاشق کی چیخیں سن کر گاؤں والوں نے پولیس کو اطلاع دی، اطلاع ملتے ہی پولیس موقع واردات پر پہنچی اور متاثر نوجوان کو ان کے چنگل سے چھرایا اور ہردوئی کے ہسپتال میں داخل کیا، حالت بہت نازک ہونے کی وجہ ڈاکٹروں نے متاثر نوجوان کو لکھنؤ ریفر کر دیا، نازک حالت میں عاشق کی راستے میں ہی موت ہوگئی، واقعے کی خبر سن کرنوجوان کی بیمار ماں نے بھی دم توڑ دیا۔
پولیس نے ملزموں کو گرفتار کرلیا ہے اور ان سے تفتیش کر رہی ہے۔
ایس پی الوک پریہ درشی نے بتایا ک مونو نامی ایک نوجوان رادھے شام کی بھتیجی سے محبت کرتا تھا۔ چھ برس قبل دنوں گھر سے بھاگ چکے تھے تب لڑکی کے گھر والے اس کو واپس لے آئے تھے اور معاملہ خاموشی سے دبا دیا تھا لیکن دونوں میں محبت باقی تھی، عاشق دیر رات اپنی معشوقہ سے ملنے اس کے گھر گیا جہاں عاشق کو لڑکی کے خاندان والوں نے پکڑ لیا اور آگ کے حوالے کردیا۔
دوسری جانب مونو کے خاندان ولوں کا کہنا ہے کہ رادھے شیام کا خاندان دبنگ اور اونچی ذات سے تعلق رکھتا ہے، انہوں نے ہی مونو کو جبراً پکڑ کے لے گیے اور آگ کے حوالے کردیا۔ کل مونو ان کی ماں کے علاج کے لیے پیسے اکٹھا کرنے کے لیے گیے تھے، جہاں انہوں نے مونو کو پکڑ کر آگ کے حوالے کردیا۔
پولیس معاملے کی تفتیش کررہی ہے، پولیس کا کہنا ہے کہ جو بھی قصوار ہیں انہیں گرفتار کیا جائے گا اور جیل بھیجا جائے گا۔
