عیسائیت کے مختلف فرقوں کے درمیان قیادت کے تنازع نے جنوبی افریقہ کے گرجا گھر کو میدان جنگ میں تبدیل کردیاہے۔ اسلحہ سے لیس 30 حملہ آوروں نے رات گئے زوربیکوم کے گرجا گھر پر دھاوا بول دیا۔
چرچ کے باہر گولیاں برسائیں گئی۔ چرچ میں موجود 200 افراد کو یرغمال بنالیا گیا ہے۔
ذرائع کے مطابق فائرنگ کی زد میں آنے سے سکیورٹی گارڈ نےدم توڑ دیا۔ اس دوران خونریزی میں ایک گاڑی میں 4 افراد جل کر ہلاک ہوگئے۔
نیشنل ڈیفنس فورس کے خصوصی دستے جائے وقوعہ پر پہنچ گئے ہیں۔ گھنٹوں مذاکرات کے بعد پولیس نے یرغمال بنائے گئے افراد کو حملہ آوروں کے چنگل سے چھڑا لیا۔ درجنوں حملہ آوروں کو گرفتار کرکے اسلحہ تحویل میں لے لیاگیا ہے۔
