ریاست اترپردیش کے ضلع وارانسی میں بڑھتے جرائم پر مقامی افراد نے پولیس انتظامیہ پر الزام لگایا ہے کہ پولیس بدمعاشوں کے خلاف کوئی کارروائی نہیں کررہی ہے، وہ تماشائی بنی ہوئی۔
گذشتہ دو دن قبل ایک خاتون کو گولی مار دی گئی تھی اور جب کہ وہیں ایک ہاسٹل کے آپریٹر کو گولی مار کر ہلاک کردیا گیا تھا اس کے بعد بی جے پی دہلی پردیش کے ترجمان دگ وجے سنگھ نے کینٹ اسٹیشن پر ایک مقدمہ دائر کیا ، جس میں یہ الزام لگایا گیا کہ بعدماشوں نے ان کے بھائی کو اغوا کرنے کی کوشش کی۔
دہلی بی جے پی کے ترجمان دگ وجے سنگھ نے الزام لگایا ہے کہ کینٹ کے علاقے میں ان کا ایک مکان ہے۔ گذشتہ شب رات کو کچھ شرپسندوں نے آکر ان کے بھائی اور انہیں اغوا کرنے کی کوشش کی تھی، وہیں احتجاج کرنے پر انہیں مارا پیٹا گیا اور انہیں نشانہ بنا کر گولی مار گئی، تاہم گولی نہیں چل سکی اور بدمعاش وہاں سے فرار ہوگئے
دگ وجے کی جانب سے کینٹ تھانے میں چوناّ رائے سمیت دیگر افراد کے خلاف مقدمہ درج کیا گیا ہے۔ ایس ایس پی وارانسی نے اس معاملے میں کی تحقیقات کا حکم دیا ہے۔ایس پی سٹی ڈویلپمنٹ چندر ترپاٹھی کا کہنا ہے کہ جو لوگ اس معاملے میں قصوروار ہوں گے ان کے خلاف سخت کارروائی کی جائے گی۔
مزید پڑھیں:
بلند شہر عصمت دری کی شکار لڑکی نے دم توڑ دیا
انسپکٹر کینٹ سے بات چیت کرتے ہوئے انہوں نے کہا کہ آج صبح بی جے پی رہنما کی جانب سے موصولہ تحریر کی بنیاد پر مقدمہ درج کیا گیا ہے۔ جب کہ دوسری جانب سے تحریر بھی ملی ہے۔ جس کی اب تحقیقات کی جارہی ہیں، طرفین پر حملہ اور جان سے مارنے کی کوشش کا الزام ہے۔
