پولیس سپرنٹنڈنٹ مینو کماری نے آج یہاں بتایا کہ اطلاع ملی تھی کہ کٹیہار ضلع کے کدوا بلاک میں واقع اے ٹی ایم میں رقم ڈالنے کے دوران گارڈ کو گولی مارکر 50 لاکھ روپے لوٹنے کے معاملے کا ماسٹر مائنڈ اہم سرغنہ برجیش یادو سسوا گاؤں میں ایک رشتہ دار کے یہاں چھپا ہواہے۔ پکی خبر کی بنیاد پر پولیس نے گاؤں کا محاصرہ کرکے برجیش کو پکڑ لیا۔
محترمی مینو نے بتایا کہ گزشتہ چھ جون کو اے ٹی ایم میں روپے ڈالنے کے دوران برجیش یادو کی قیادت میں نقاب پوش ڈکیتوں نے گارڈ کو گولی مارکر شدید طوپر زخمی کردیاتھا اور 50 لاکھ روپے لوٹ لئے تھے۔ انہوں نے بتایا کہ گرفتار برجیش قدوا کے رہنے والے اپیندر یادو کا بیٹا ہے۔گرفتار مجرم پر مغربی بنگال کے علاوہ کٹیہار اور پورنیا ضلع میں 25 سے زیادہ ڈکیتیوں کے معاملے مختلف تھانوں میں درج ہیں۔ پولیس مجرم سے پوچھ تاچھ کررہی ہے۔
