ضلع کوشمبی کے کوکھریج علاقے میں پیر کے روز پٹاخہ فیکڑی میں دھماکہ ہونے کی وجہ سے تین خواتین کی موت اور متعدد افراد زخمی ہوگئے۔
ضلع کے بھرواری پولیس اسٹیشن کے قریب واقع غیر قانونی طریقے سے چل رہی پٹاخہ فیکڑی میں اچانک آگ لگ گئی۔حادثے کی اطلاع ملتےہی پولیس اور فائٹر بگریڈ کی ٹیم موقع پر پہنچی۔کچھ دیر بعد ہی فائر فائٹر کی ٹیم نے آگ پر قابو پالیا۔
یہ واقعہ کوکھریج تھانہ علاقہ کے بھرواری قصبے کی ہی ہے، جہاں بھرواری کے رہنے والا منا پٹاخے کا کاروبار کرتا ہے۔
اطلاع کے مطابق منا پٹاخےکی دوکان کی لائسنس لے کر اپنے گھر پر ہی غیر قانونی طریقے سے پٹاخہ بنوانے کا کام کررہا تھا۔
پیر کی صبح 6 بجے اچانک دھماکہ ہوا۔اس میں کام کررہی ریتا نامی ایک خاتون کی موقع پر ہی موت واقع ہوگئی۔جبکہ 15 سالہ پشپا اور 22 سالہ رادھیکا شدید زخمی ہوگئی ، جنہیں تشویشناک حالت میں پریاگراج ریفر کردیا گیا جہاں انہوں نے علاج کے دوران دم توڑ دیا۔
وہیں ایس ڈی ایم چائیل جیوتی موریا ن موقع پر پہنچ کر جائے وقوع کا جائزہ لیا۔
پولیس سپرٹنڈنٹ نے بتایا کہ گیس سلینڈر پھٹنے کی اطلاع ملی۔لیکن جب حادثے کی جگہ کا معائنہ کیا گیا تو پٹاخے بنانے والی فیکٹری کی بات سامنے آئی ۔اس پٹاخے کی دکان کا لائسنس بنا ہوا ہے۔ معاملہ درج کرکے مکمل تفتیش کی جارہی ہے۔ ملزمان کے خلاف سخت کارروائی کی جائے گی۔
