چینئی ائیرپورٹ پر محکمہ کسٹم کے کورئیر انٹلیجنس افسران نے شارجہ سے آئے کورئیر کو ضبط کیا۔ جس میں میڈل ڈائی کے اندر 22 لاکھ 50 ہزار کی سونے کی موتی چھپائی گئی تھی۔
محکمہ کسٹم کے مطابق برآمد کیے گئے ڈائی کا وزن 12 کلو 700 گرام تھا۔
کسٹم کے ترجمان نے بتایا کہ پارسل کی جانچ کے دوران 12 کلو 700 گرام کا میڈل ڈائی برآمد کیا گیا ہے۔ جو مہاراشٹر کے کسی شخص کے نام پر تھا۔
کسٹم افسران کے مطابق یہ ڈائی لوہے سے بنائے گئے ہیں۔ جسے اسکین کرنے کے بعد بھی ہمیں یہ نہیں معلوم ہوگا کہ اس کے اندر کچھ چھپایا گیا ہے۔
اس لیے افسران ڈائی کو ویلڈنگ کی دوکان پر لے گئے، جہاں انہوں نے اس ڈائی کو کاٹ کر دو سے تین ایم ایم کی سونے کی موتیاں برآمد کی۔
انہوں نے مزید بتایا کہ ان موتیوں کو مونگ کے دال کے ساتھ مخلوط کیا گیا تھا۔
کسٹم نے سونے کی موتیاں کو برآمد کرنے لیا ہے اور مہاراشٹر کے جس شخص کے نام پر یہ کورئیر تھا اسے بھی حراست میں لے کر پوچھ گچھ شروع کردی گئی ہے۔
