پولیس سپرنٹنڈنٹ دلنواز احمد نے بتایاکہ اطلاع کی بنیاد پر درگاوتی تھانہ علاقہ میں بہار اور اتر پردیش کی سرحد سے متصل نیشنل ہائی وے نمبر دوپر دیر رات چوکسی بڑھا دی گئی۔ پولیس افسران سادے لباس میں تھے۔ انہوں نے بتایاکہ اسی دوران ایک مشتبہ پک اپ وین ضلع کی سرحد میں داخل ہوا جسے روک لیا گیا۔
مسٹر احمد نے بتایاکہ تلاشی کے دوران پک اپ وین سے 167 کارٹن شراب ضبط کی گئی جس میں آٹھ ہزار سے زائد انگریزی شراب کی بوتلیں ہیں۔ جنکی مقدار قریب 1500 لیٹر ہے۔
اس سلسلے میں پک اپ وین ڈرائیور کو گرفتار کرلیا گیا جو شراب کی کھیپ لیکر اتر پردیش کے جون پور سے بہار آرہا تھا۔
پولیس سپرنٹنڈنٹ نے بتایاکہ گرفتار ڈرائیور کی شناخت ابھیا راج سروج کے طور پر کی گئی ہے، جن کا تعلق جون پور سے ہے۔ ضبط شراب کی تخمینی قیمت لگ بھگ آٹھ لاکھ روپے بتائی گئی ہے۔
