غزہ سے فلسطینیوں کی جبری بے دخلی روکنے پر شاہِ اردن کا امریکی صدر سے تبادلہ خیال

امریکی صدر نے اردن کے شاہ کو یقین دہانی کرائی ہے کہ وہ اس بات کو یقینی بنائیں گے کہ فلسطینیوں کو غزہ سے بے گھر نہ کیا جائے۔ دونوں لیڈروں کی فون پر ہوئی بات چیت میں غزہ کی موجودہ صورتحال پر تبادلہ خیال کیا گیا۔ US Jordan on Israel-Hamas war

واشنگٹن ڈی سی: اسرائیل اور حماس کی جنگ چھبیسویں دن میں داخل ہوگئی ہے۔ امریکی صدر جو بائیڈن نے اردن کے شاہ عبداللہ دوم سے فون پر رابطہ کیا۔ دونوں لیڈروں کی بات چیت میں، اس بات پر اتفاق کیا گیا ہے کہ یہ یقینی بنانا ضروری ہے کہ فلسطینیوں کو غزہ سے باہر زبردستی بے گھر نہ کیا جائے۔ وہاں کی تازہ ترین پیش رفت پر بات چیت کے علاوہ، دونوں لیڈروں نے غزہ میں شہریوں کے لیے انسانی امداد کی فراہمی میں سہولت کاری پر بات کی۔

• Biden speaks with Jordanian King, says "critical" to ensure Palestinians not forcibly displaced from Gaza
  
  Read @ANI Story | https://t.co/N5punAXZGr#JoeBiden #Jordan #Gaza #Palestine pic.twitter.com/tGhqpzSvPD

  — ANI Digital (@ani_digital) November 1, 2023 " class="align-text-top noRightClick twitterSection" data="

  Biden speaks with Jordanian King, says "critical" to ensure Palestinians not forcibly displaced from Gaza
  
  Read @ANI Story | https://t.co/N5punAXZGr#JoeBiden #Jordan #Gaza #Palestine pic.twitter.com/tGhqpzSvPD

  — ANI Digital (@ani_digital) November 1, 2023

  ">

  Biden speaks with Jordanian King, says "critical" to ensure Palestinians not forcibly displaced from Gaza
  
  Read @ANI Story | https://t.co/N5punAXZGr#JoeBiden #Jordan #Gaza #Palestine pic.twitter.com/tGhqpzSvPD

  — ANI Digital (@ani_digital) November 1, 2023

وائٹ ہاؤس نے اردن کے شاہ عبداللہ دوم کے ساتھ صدر بائیڈن کی کالسے متعلق بیان جاری کرتے ہوئے کہا کہ،"صدر جو بائیڈن، نے آج اردن کے شاہ عبداللہ دوم سے بات کی۔ رہنماؤں نے غزہ کی تازہ ترین پیش رفت اور غزہ میں شہریوں کے لیے ضروری خدمات کی بحالی، انسانی امداد کی بڑھتی ہوئی، پائیدار فراہمی میں سہولت فراہم کرنے کے اپنے مشترکہ عزم پر تبادلہ خیال کیا۔ "

بائیڈن نے بین الاقوامی انسانی قانون کو برقرار رکھنے اور شہریوں کی زندگی کے تحفظ کی اہمیت پر زور دیا۔ بیان میں مزید کہا گیا ہے کہ، "دونوں رہنماوں نے اس بات پر بھی اتفاق کیا کہ یہ یقینی بنانا ضروری ہے کہ فلسطینیوں کو غزہ سے باہر زبردستی بے گھر نہ کیا جائے۔ رہنماؤں نے تشدد کو روکنے، بیان بازی کو پرسکون کرنے اور علاقائی کشیدگی کو کم کرنے کے لیے فوری طریقہ کار پر تبادلہ خیال کیا،"

بائیڈن نے اردن کے شاہ کے ساتھ اپنی کال میں، مشرق وسطیٰ میں مضبوط اور پائیدار امن کے لیے "مل کر کام کرنے" کے عزم کی تصدیق کی۔ ریڈ آؤٹ میں کہا گیا، "صدر اور شاہ عبداللہ نے مشرق وسطیٰ میں ایک مضبوط اور پائیدار امن کے لیے شرائط طے کرنے کے لیے دیگر علاقائی شراکت داروں کے ساتھ مل کر کام کرنے کے عزم کا اعادہ کیا، جس میں فلسطینی ریاست کا قیام بھی شامل ہے۔" اس میں مزید کہا گیا ہے کہ "صدر نے علاقائی استحکام کو فروغ دینے میں اردن کے کردار کے لیے شاہ کی تعریف کی۔