موغادیشو: صومالیہ میں دارالحکومت موغادیشو کے قریب افریقی یونین مشن کا ایک ہیلی کاپٹر گر کر تباہ ہو گیا جس میں سوار تین افراد ہلاک اور آٹھ زخمی ہو گئے۔ افریقی یونین کے ٹرانزیشن مشن اے ٹی ایم آئی ایس نے کہا، "ہیلی کاپٹر تربیتی مشق کے لیے اڑان بھر رہا تھا۔ افسوس کی بات یہ ہے کہ بورڈ پر سوار گیارہ مسافروں میں سے تین جان کی بازی ہار گئے۔ آٹھ زخمی اہلکاروں کو طبی امداد کے لیے فوری طور پر موغادیشو لے جایا گیا۔ یہ فضائی حادثہ ہفتہ کے روز امریکی فوجی ائیر بیس کے قریب، لوئر شیبیل کے علاقے میں بالڈوگل کے قریب ہوا۔ اے ٹی ایم آئی ایس نے کہا کہ یہ ایک مشترکہ ہنگامی ریسکیو تربیتی مشق تھی اور اس میں صومالی فوج کے افسران شامل تھے۔ حادثے کی وجوہات جاننے کے لیے تحقیقات کا آغاز کر دیا گیا ہے۔
واضح رہے کہ امریکہ کے شہر نیوادا کے پہاڑی علاقے میں 24 فروری کو ایک طیارہ گر کر تباہ ہو گیا۔ طیارے کے حادثے میں طبی عملے اور ایک مریض سمیت پانچ افراد ہلاک ہو گئے۔ طیارے سے ایمبولینس سروس فراہم کرنے والی کمپنی نے اس کی اطلاع دی تھی۔ لیون کاؤنٹی شیرف کے دفتر نے کہا کہ افسران کو رات 9:15 بجے اسٹیج کوچ، نیواڈا کے قریب طیارے کے حادثے کے بارے میں کال موصول ہوئی اور دو گھنٹے بعد ملبہ ملا۔ بتا دیں کہ اسٹیج کوچ میں تقریباً 2500 لوگ رہتے ہیں۔ یہ شہر رینو سے تقریباً 72 کلومیٹر دور ہے۔ اس حادثے میں ایک مریض، مریض کے خاندان کے رکن، پائلٹ، نرس سمیت پانچ افراد ہلاک ہو گئے۔
یہ بھی پڑھیں: Nevada Flight Crash نوادا میں ایئر ایمبولینس طیارہ حادثہ میں پانچ افراد ہلاک
یو این آئی
