پاکستان کے وزیر اعظم شہباز شریف کے دورہ سعودی عرب کے دوران مدینہ منورہ میں مسجد نبویﷺ کے تقدس کی خلاف ورزی کرنے کے الزام میں چھ پاکستانی شہریوں کو مجرم قرار دیتے ہوئے آٹھ سے دس سال قید کی سزا سنائی گئی ہے۔ جیو نیوز نے یہ اطلاع سفارتی ذرائع کے حوالے سے اپنی رپورٹ میں دی۔ Six Pakistanis convicted of violating sanctity of Masjid-e-Nabawi
رپورٹ کے مطابق مدینہ منورہ کی عدالت نے تین پاکستانی شہریوں انس، ارشاد اور محمد سلیم کو دس دس سال قید کی سزا سنائی۔ جبکہ تین دیگر خواجہ لقمان، محمد افضل اور غلام محمد کو آٹھ سال قید کی سزا سنائی گئی ہے۔ اس کے علاوہ قصورواروں پر 20-20 ہزار سعودی ریال کا جرمانہ عائد کرنے کے ساتھ ہی ان کے موبائل فون بھی ضبط کر لیے گئے ہیں۔
ان افراد پر الزام ہے کہ انہوں نے پاکستان کے نئے وزیر اعظم شہباز شریف اور انکے قافلے کے ہمراہ کئی وزراء اور حکمران جماعت کے لیڈروں کے خلاف نعرے بازی کی۔ میڈیا رپورٹس کے مطابق اھتجاج کرنے والے سابق وزیر اعظم عمران خان کے حمایتی تھے ۔ ان احتجاجیوں نے نئی حکومت کو امپورٹڈ حکومت کیا اور چور چور کے نعرے لگائے۔
(یو این آئی کے مشمولات کے ساتھ)
