وزیر اعظم نریندر مودی PM Modi نے روسی صدر ولادیمیر پوتن Russian President Putin کے ساتھ ٹیلی فون پر بات چیت کی۔ PM Modi Speaks to Putin دونوں رہنماؤں نے دسمبر 2021 میں صدر پوٹن کے دورہ بھارت کے دوران لیے گئے فیصلوں کے نفاذ کا جائزہ لیا۔ خاص طور پر، انہوں نے اس بات پر تبادلہ خیال کیا کہ کس طرح زرعی اجناس، کھادوں اور فارما مصنوعات میں دو طرفہ تجارت کو مزید فروغ دیا جا سکتا ہے۔
دونوں رہنماؤں نے بین الاقوامی توانائی اور خوراک کی منڈیوں سمیت عالمی مسائل پر بھی تبادلہ خیال کیا۔ یوکرین کی موجودہ صورتحال کے تناظر میں وزیر اعظم مودی نے بات چیت اور سفارت کاری کے حق میں بھارت کے دیرینہ موقف کو دہرایا۔ دونوں رہنماؤں نے عالمی اور دوطرفہ امور پر باقاعدہ مشاورت جاری رکھنے پر بھی اتفاق کیا۔
یہ بھی پڑھیں:
India in UNSC: 'روس یوکرین جنگ میں شہری علاقوں کو نشانہ بنانا پریشان کن'
24 فروری 2022 کو یوکرین پر روسی حملے کے فوراً بعد، وزیر اعظم مودی نے پوتن کے ساتھ ٹیلی فون پر بات کی اور اپنے موقف کا اظہار کرت ہوئے کہا کہ یوکرین تنازعہ روس اور نیٹو گروپ کے درمیان صرف ایماندارانہ اور مخلصانہ بات چیت کے ذریعے ہی حل ہو سکتا ہے۔ اس دوران مودی نے جنگ کے فوری خاتمے کی اپیل کی اور تمام فریقوں سے سفارتی مذاکرات اور بات چیت کے راستے پر واپس آنے کے لیے ٹھوس کوششوں پر زور دیا۔
