اسلام آباد: شہباز شریف حکومت سعودی عرب کو پی ٹی آئی حکومت کے دوران رُکے ہوئے ایک بڑے منصوبے کو دوبارہ شروع کرنے اور پاکستان میں پیٹرو کیمیکل کمپلیکس کے ساتھ ایک جدید ریفائنری قائم کرنے پر آمادہ کرنے میں کامیاب ہوگئی ہے۔ Saudi Arabia to invest in Pakistan
دی نیوز کی رپورٹ کے مطابق سعودی ولی عہد محمد بن سلمان کی سربراہی میں ایک اعلیٰ سطحی وفد نومبر کے آخری ہفتے میں پاکستان کا دورہ کر رہا ہے، جس دوران اس حوالے سے باضابطہ اعلان متوقع ہے۔ رپورٹ کے ہی مطابق پاکستانی فریق نے سعودی عرب کو معاہدوں کا احترام کرنے اور جنوبی ایشیائی ملک میں سرمایہ کاری کرنے پر آمادہ کرنے کی بھرپور کوشش کی۔ دی نیوز نے رپورٹ کیا کہ پاکستان نے بین الاقوامی منڈی میں تیل کی سپلائی میں کمی کے فیصلے پر سعودی عرب کی حمایت بھی کی ہے۔
واضح رہے کہ فروری 2019 میں محمد بن سلمان کے دورہ پاکستان کے دوران سعودی عرب نے 21 ارب ڈالر کی سرمایہ کاری کے معاہدے پر دستخط کیے تھے۔ان میں 12 بلین ڈالر کی سرمایہ کاری کے ساتھ ریفائنری اور پیٹرو کیمیکل کمپلیکس کے منصوبے شامل ہیں۔
یہ بھی پڑھیں: Saudi Arabia Honours Pak Army Chief: سعودی ولی عہد نے پاکستان کے آرمی چیف کو کنگ عبدالعزیز میڈل سے نوازا
سعودی عرب کی آئل کمپنی آرامکو نے بھی اس حوالے سے پاکستان میں ایک تحقیق کی تھی جس میں معلوم ہوا تھا کہ گوادر میں ریفائنری کا قیام ممکن نہیں۔تاہم، اب اسے بلوچستان یا کراچی کے قریب قائم کیا جا سکتا ہے، دی نیوز کے مطابق وزارت پٹرولیم نئی ریفائنریوں کے قیام کے لیے سرمایہ کاری کو راغب کرنے کے لیے ایک مسودے پر کام کر رہی ہے۔
ٹیکس کے دائرہ کار کو بڑھانے کے علاوہ، پی ٹی آئی حکومت کی جانب سے تیار کردہ ریفائننگ پالیسی کے مسودے میں پہلے پیش کیئے گئے 9 فیصدی آفر کے مقابلے سرمایہ کاروں کو 14 سے 15 فیصدی کا منافع دینے کا منصوبہ بنا رہی ہے۔ حکومت چین سے ریفائنری کے لیے سرمایہ کاری کی بھی کوشش کر رہی ہے اور وزیر اعظم شہباز شریف اپنے آئندہ دورہ چین کے دوران بیجنگ کو پاکستان میں ریفائنری لگانے کی پیشکش کر سکتے ہیں۔
