جنیوا: اقوام متحدہ نے 43 ممالک میں ایک ارب لوگوں میں ہیضے کے پھیلنے کے خطرے سے خبردار کیا ہے۔ اقوام متحدہ نے جمعہ کو ایک بیان میں کہا کہ اس کے پاس ہیضے کی وباء سے لڑنے کے لیے اتنے وسائل نہیں ہیں۔ وقت کے ساتھ ساتھ حالات مزید خراب ہوں گے۔ عالمی ادارہ صحت اور بچوں کے ادارے یونیسیف کے درمیان، اقوام متحدہ اس متعدی بیماری سے لڑنے کے لیے 64 ملین ڈالر کا مطالبہ کر رہا ہے جو فوری کارروائی نہ کرنے کی صورت میں ہیضے سے زبردست تباہی کے اندیشے ہیں۔
ڈبلیو ایچ او کا اندازہ ہے کہ 43 ممالک میں ایک ارب افراد ہیضے کے خطرے سے دوچار ہیں اور اس سال اب تک 24 ممالک میں ہیضے کی وباء کی اطلاع ملی ہے، اقوام متحدہ کے ادارہ صحت کی گلوبل ہیضہ رسپانس فورس کے مینیجر ہنری گرے نے کہاکہ 'اس سال مئی میں یہ تعداد 15 تھی۔ تاہم اب تک صورتحال یہ پیدا ہو رہی ہے کہ جو ممالک کبھی ہیضے سے متاثر نہیں ہوئے تھے وہ بھی اس بار اس کا شکار ہو رہے ہیں۔ کیسز میں اموات کی شرح معمول سے کہیں زیادہ ہے۔'
گرے نے کیسوں میں اضافے کی وجہ غربت، تنازعات اور موسمیاتی تبدیلیوں کے ساتھ ساتھ آبادی کی نقل مکانی کو قرار دیا، جو لوگوں کو خوراک، پانی اور طبی امداد کے محفوظ ذرائع سے دور کر دیتے ہیں۔انھوں نے ایک میڈیا بریفنگ میں بتایاکہ 'جن ممالک میں جہاں نمٹنے کے لیے وسائل دستیاب تھے وہاں کم پھیلا ہے۔' انہوں نے کہا کہ ہیضہ ایک جراثیم کی وجہ سے ہوتا ہے جو کہ عام طور پر آلودہ خوراک یا پانی سے پھیلتا ہے۔ یہ اسہال اور الٹی کا سبب بنتا ہے اور خاص طور پر چھوٹے بچوں کے لیے خطرناک ہو سکتا ہے۔ بیماری سے صحت یاب ہونے کے لیے صاف پانی تک رسائی کو یقینی بنا کر اور نگرانی کو بہتر بنا کر وباء کو روکا جا سکتا ہے۔
انہوں نے کہا کہ گزشتہ سال ہیضے کی ویکسین کی تقریباً 3.6 کروڑ خوراکیں تیار کی گئی تھیں جبکہ اس سال 1.8 کروڑ سے زائد ہیضے کی ویکسین کی خوراکیں طلب کی گئی تھیں لیکن صرف 80 لاکھ ہی دستیاب ہوئی ہیں، جس سے ہیضے سے بچاؤ کی مہم میں رکاوٹ پیدا ہوئی ہے۔ واضح رہے کہ 10 سالوں میں ہیضے کے کیسز میں مسلسل کمی دیکھنے میں آئی لیکن 2021 سے اب تک اس کے کیسز میں تیزی سے اضافہ دیکھنے میں آیا ہے۔ اس سال اب تک سب سے زیادہ متاثر ہونے والے ممالک ملاوی اور موزمبیق ہیں، جب کہ نو دیگر ممالک برونڈی، کیمرون، ڈیموکریٹک ریپبلک آف کانگو، ایتھوپیا، کینیا، صومالیہ، شام، زیمبیا اور زمبابوے میں ہیضے کا "شدید بحران" ہے۔ اس کی خوراک 2025 میں دوگنا اور 2027 تک کئی گنا بڑھ جانے کی امید ہے۔
یواین آئی
