Black Hawk Helicopters Crash امریکی فوج کے دو ہیلی کاپٹر تربیت مشن کے دوران گر کر تباہ، نو فوجی ہلاک

امریکی فوج کے دو بلیک ہاک ہیلی کاپٹر ریاست کینٹکی میں تربیتی مشن کے دوران گر کر تباہ ہو گئے۔ حادثے کے دوران عملے کے چار ارکان ایک ہیلی کاپٹر پر اور پانچ دوسرے پر سوار تھے۔ حکام کا کہنا ہے کہ حادثے کی وجوہات کی تحقیقات جاری ہیں۔

واشنگٹن: امریکی ریاست کینٹکی میں بدھ کی رات ایک معمول کے تربیتی مشن کے دوران دو بلیک ہاک ہیلی کاپٹر گر کر تباہ ہونے سے نو امریکی فوج ہلاک ہو گئے۔ امریکی فوجی حکام نے واقعے کو المناک نقصان قرار دیا۔ فورٹ کیمبل بیس نے فیس بک پر ایک بیان میں کہا کہ عملے کے ارکان معمول کے تربیتی مشن کے دوران پرواز کر رہے تھے جب یہ واقعہ پیش آیا۔ فوج کے ایک ترجمان کے مطابق، حادثے کے دوران عملے کے چار ارکان ایک ہیلی کاپٹر پر اور پانچ دوسرے پر سوار تھے جس میں سے کوئی بھی شخص زندہ نہیں بچا۔

انہوں نے کہا کہ ہم فی الحال ہلاک شدہ فوجی کے اہل خانہ کو مطلع کرنے کے عمل میں ہیں اور فوری طور پر ہلاکتوں کے بارے میں مزید تفصیلات کا اعلان نہیں کریں سکیں گے۔ترجمان نے بتایا کہ حادثے سے کوئی اضافی جانی نقصان نہیں ہوا، تفتیش کاروں کی ایک ٹیم حادثے کے وجوہات کی تحقیقات کر رہی ہے۔ وال اسٹریٹ جرنل کی رپورٹ کے مطابق، واقعے کے بعد، کینٹکی حکومت نے سروس کے ارکان اور ان کے اہل خانہ کو خراج تحسین پیش کیا۔ انہوں نے کہا کہ آج کینٹکی، فورٹ کیمبل اور 101 ویں کے لیے ایک مشکل اور المناک دن ہے۔

بلیک ہاک ہیلی کاپٹر کی رینج: بلیک ہاک کی رینج 1381 میل تک ہوتی ہے۔ ایک دفعہ ایندھن سے بھرے ہوئے وہ ہیلی کاپٹر سینکڑوں کلومیٹر تک پرواز کر سکتے ہیں۔ ان کی لفٹ کی صلاحیت بھی اچھی بتائی جاتی ہے۔ امریکی فوج کا دعویٰ ہے کہ اس کے بیرونی کارگو ہک کے ذریعے بلیک ہاک 8000 پاؤنڈ تک وزنی اشیاء کو اٹھا سکتا ہے۔بلیک ہاک امریکی فوج کا فرنٹ لائن یوٹیلیٹی ہیلی کاپٹر ہے۔ یہ امریکہ نے ویتنام جنگ کے بعد تیار کیے تھے۔ امریکہ کے کئی دوست ممالک کی اسپیشل فورسز دنیا بھر میں ایسے ہیلی کاپٹر استعمال کرتی ہیں۔ ان ہیلی کاپٹروں کو خصوصی مشنز کی انجام دہی میں کارگر سمجھا جاتا ہے، کیونکہ ان کی رفتار زیادہ ہوتی ہے اور ان میں تکنیکی چیزیں زیادہ ہوتی ہیں۔