اسلام آباد: پاکستان میں کووڈ-19 کے بڑھتے ہوئے کیسز کے پیش نظر پیر کو ماسک پہننا لازمی قرار دے دیا گیا ہے۔ جیو نیوز نے یہ اطلاع دی۔ جیو نیوز کے مطابق نیشنل انسٹی ٹیوٹ آف ہیلتھ (این آئی ایچ) نے کورونا وبا سے بچاؤ کے لیے مسافروں کے لیے ایڈوائزری جاری کی، جس میں تمام اہلکاروں اور مسافروں کو اندرون اور بیرون ملک سفر کے دوران ماسک پہننے کی ہدایت کی گئی ہے۔ Must Wear a Mask While Traveling in Pakistan
این آئی ایچ نے ٹویٹ کیا ’’ملک بھر کے کچھ شہروں میں کووڈ -19 کے معاملات پھر سے بڑھنے کے بعد، تمام گھریلو پروازوں، ریلوے اور پبلک ٹرانسپورٹ پر ماسک پہننا لازمی قرار دیا گیا ہے۔ نیشنل کمانڈ اینڈ آپریشن سینٹر (این سی او سی) نے تمام شہریوں سے سفر کے دوران فیس ماسک پہننے کی درخواست کی ہے۔
اس سے قبل سول ایوی ایشن اتھارٹی نے بھی اندرون ملک پروازوں میں ماسک پہننے کے حوالے سے ضروری ہدایات جاری کی تھیں۔ این آئی ایچ کے اعداد و شمار کے مطابق پاکستان میں گزشتہ 24 گھنٹوں کے دوران 382 نئے کیسز رپورٹ ہوئے جب کہ مثبت ہونے کی شرح تین فیصد ہے۔
یو این آئی
یہ بھی پڑھیں:
